ዲስትሪክት አቀፍ የክልል ጥናት ትንታኔ: ምዕራፍ 2 ወደ አንድ ገጽ የሚያመጣ ተሳትፎ

ያስታውሱ... ዲስትሪክት አቀፍ የማካለል ትንተና እንደገና ምን ይባላል?
የዲስትሪክት አቀፍ የድንበር ትንተና ለሞንትጐመሪ ካውንቲ ፐብሊክ ስኩልስ (MCPS) ወሰን ለመከለል አጠቃላይ ሁለገብ የመመዘኛ ጥናት ዳሰሳ ትንተና ለመስጠት የተዘጋጀ ነው። የትምህርት ቤት አገልግሎት አጠቃቀም፣ የት/ቤት አቅም፣ የተማሪ የብዝሃነት ስብጥር እና የትምህርት ቤቶች ቅርበትን በሚመለከት ቀዳሚው ተግባር የሞንትጎመሪ ካውንቲ ፐብሊክ ስኩልስ (MCPS) ከ2019 የፀደይ-ስፕሪንግ ወራት ጀምሮ በተደረገው የማሳተፍ ጥረት ላይ የተገነባ ሲሆን በሞንትጎመሪ ካውንቲ ውስጥ ትርጉም ያለው የተቀናጀና የብቃት ባህልን ያዳበሩ ትምህርት ቤቶችን በመፍጠር ረገድ ያሉትን ተግዳሮቶች በሚገባ ለመረዳት እንዲቻል ተከታታይ መድረኮችን በማዘጋጀት የተለያዩ የህብረተሰብ ክፍሎችን ማሳተፉን ይቀጥላል።

አሁን ማድረግ አስፈላጊ የሆነው ለምንድን ነው?
ባለፉት 20 ዓመታት የ MCPS የተማሪዎች ምዝገባ ከ30,000 በላይ ጭማሪ አሳይቷል። ይህ እድገት የሞንትጎመሪ ካውንቲ ፐብሊክ ስኩልስ (MCPS) በአገር አቀፍ ደረጃ ብዝሃነት ካላቸው ከከፍተኛዎቹ ዲስትሪክቶች አንዱ እንዲሆን ረድቷል። የሚያሳዝነው ነገር ፣ የፋሲሊቲው ግንባታ ከዚህ ጉልህ እድገት ጋር እኩል መጓዝ አለመቻሉ ነው። ብዙ ትምህርት ቤቶች ካላቸው አቅም በላይ የሚሰጡት አገልግሎት፣ ከእኩልነትና ሚዛናዊነት እንዲሁም የጥራት ሁኔታዎች ጋር ተዳምሮ የትምህርት ቦርድ ወቅታዊውን የትምህርት ቤት ወሰኖች ግምገማ እንዲያካሂድ ትኩረት እንዲስብ አድርጓል። ይኼውም፦ የሞንትጎመሪ ካውንቲ ፐብሊክ ስኩልስ (MCPS) ስለመማር፣ ስለግንኙነቶች፣ ስለአክብሮት፣ እንዲሁም እኩልነትን ማንጸባረቅ የመሣሰሉ ዋነኛ እሴቶቹን የሚደግፍ ከፍተኛ ጥራት ያለው የትምህርት ፋሲሊቲ መስጠት መቻሉን  በቀጣይነት ማረጋገጥ አስፈላጊ በመሆኑ ነው።

እስከ ዛሬ ምን ተከናወነ?
የኮቪድ-19 ቀውስ ከመከሰቱ በፊት እኛ ምዕራፍ I ስለ ተሳትፎ-ስምሪት ሂደት እና  ትንተና ጨርሰን ነበር። ይህም በመጋቢት 2020 ጊዜያዊ ሪፖርት በማቅረብ ተጠናቋል።
የምዕራፍ I ተሳትፎ ያካተተው፦

• የትምህርት ቦርድ የህዝብ አስተያየቶችን የሚያዳምጥበት ጊዜ – ኖቬምበር 2019
• በካውንቲው በጠቅላላ የሪጅናል ስብሰባዎች የተካሄዱበት ወቅት ከዲሴምበር 2019 - ጃኑወሪ 2020
• ጌትስበርግ ሁለተኛ ደረጃ ት/ቤት - Gaithersburg High School
• ጁሊየስ ዌስት መካከለኛ ደረጃ ት/ቤት - Julius West Middle School
• ዋይት ኦክ መካከለኛ ደረጃ ት/ቤት - White Oak Middle School
• ዋልተር ጆንሰን ሁለተኛ ደረጃ ት/ቤት  - Walter Johnson High School
• ሞንትጎሞሪ ብሌር ሁለተኛ ደረጃ ት/ቤት - Montgomery Blair High School
• ኖርዝዌስት ሁለተኛ ደረጃ ት/ቤት  - Northwest High School
• ለመድረስ አስቸጋሪነት ካላቸው 12 ኢላማ ከሚደረግባቸው የህብረተሰብ ክፍሎች እና ሌሎችም ቁልፍ ባለድርሻ አካላት ጋር የሚደረጉ የውይይት ክፍለጊዜዎች (ጃኑወሪ-ማርች 2019)

የምዕራፍ II ቀጣይ የመሳተፊያ ሁኔታዎች ምንድን ናቸው?
የአማካሪ ቡድን "WXY Studio" ስቱዲዮ ለነዋሪዎች እና ለባለድርሻ አካላት ስለ ሞንትጎመሪ ካውንቲ ፐብሊክ ስኩልስ (MCPS) ትምህርት ቤቶች በኮምፒውተር እና በተጠቃሚዎች መካከል የመረጃ ልውውጥ በማድረግ በጥልቀት ጥናት እንዲያደርጉ የሚረዳ መተግበሪያ (ኤክስፕሎረር) እየሰራ ነው። ይህ መተግበሪያ ከእያንዳንዱ ትምህርት ቤት እስከ ዲስትሪክት ያሉት ተሳታፊዎች ሦስቱን ሌንሶች ማለትም፦ አጠቃቀም፣ የብዝሃነት ልዩነት፣ እና ቅርበት ያላቸውን ነገሮች እንዲረዱ ያስችላቸዋል፤ በሌላ በኩል ደግሞ እርስ በርሳቸው ተቀራርበው በሚገኙ ዲስትሪክቶች መካከል ያለውን ግንኙነት በጥልቀት እንዲመረምሩ ያስችላቸዋል።
ምዕራፍ II ማለት የተቻለውን ያህል በካውንቲ ውስጥ ነዋሪዎችንና ባለድርሻ አካላትን የእርስበርስ አሳታፊ መገልገያ በመጠቀምና በማሳተፍ ቁልፍ በሆኑ ጥያቄዎች ዙሪያ ያተኮረ ግብረመልስ ግብአቶችን በማግኘት ላይ ያተኮረ ነው።

• በእርስዎ ትምህርት ቤት እና በአቅራቢያ ባሉ ትምህርት ቤቶች መካከል በአጠቃቀም፣ በብዝሃነት ልዩነት፣ እና ቅርበትን በተመለከተ ያለው ልዩነት ምን ያህል የተመጣጠነ ይመስልዎታል?
• በካውንቲው ውስጥ ከትምህርት ቤት ወሰን ጋር በተያያዘ ከፍተኛ አስቸጋሪ ሁኔታዎች የሚስተዋሉባቸው ቦታዎች/የመኖሪያ አካባቢዎች አሉ? ከሆነስ፣ ዬት እና ምን ዓይነት ተፈታታኝ ሁኔታዎች አሉ?
• ትምህርት ቤቶችን በማካለል ረገድ፣ በየትኛው የትምህርት ቤት ደረጃ (የአንደኛ፣ የመካከለኛ፣ የሁለተኛ ደረጃ) ከፍተኛ አዳጋች ሁኔታ ያለባቸው ይመስልሃ(ሻ)ል? ምን ዓይነት ከባድ ወይም ተፈታታኝ ሁኔታዎች አሉ?
• የትምህርት ቤት ክልል ከማበጀት ጋር በተያያዘ በጣም ከባድ፣ አዳጋች፣ ወይም ተፈታታኝ ሁኔታ ያላቸው የትኞቹ ትምህርት ቤቶች ወይም ቡድኖች ናቸው? ምን ዓይነት ከባድ ወይም ተፈታታኝ ሁኔታዎች አሉ?
• አጠቃቀምን፣ የተለያ ብዝሃነትን ያቀፈ፣ እና ቅርበትን በሚዛናዊነት የማስጠበቅ እድል የሚታይባችው ትምህርት ቤቶች ፣ ከለስተሮች ወይም የካውንቲ ክፍሎች አሉ? የት እና እንዴት?

በዚህ ሂደት ውስጥ ቡድኑ፣ ህዝቡ ከትምህርት ቤት ወሰኖች ጋር በተያያዘ ቅድሚያ ስለሚሰጣቸው ነገሮች እንዲሁም በኮቪድ-19 ወረርሽኝ ወቅት እንዴት እንደተለወጠ ሰፋ ያለ ግንዛቤ ይሰበስባል።
ሁለተኛው ዙር ቨርቹወል ተሳትፎ-ስምሪት የሚካሄደው በ2020 ፎል ላይ ሲሆን፥ የሚያካትተው፦

• ህዝባዊ ስብሰባዎች
• ሁለት በበይነመረብ የሚካሄዱ የማህበረሰብ ውይይቶች፦  እነዚህ ሁነቶች ስለተቀናጀ አሳታፊ መሣሪያ የተሟላ ማብራሪያ የሚሰጡ ከመሆኑም ሌላ ተሳታፊዎቹ መጀመሪያ ላይ ስለአጠቃቀሙ እንዲያጠኑ ያስችላቸዋል። መገኘት ለማይችሉ ሰዎች "webinars" በ MCPS ድረገጽ ላይ ይገኛሉ።
• አሳታፊ የማህበረሰብ ግብረመልስ ግምገማ ክፍለጊዜ: ይህም ተሳታፊዎቹ በተለመዱት ውይይቶች ውስጥ ያለውን የግንኙነት መተግበሪያ በመዳሰስ እና ግብረመልስ በማጋራት ግኝቶችን በየጊዜው እንዲለዋወጡ ያስችላቸዋል።

• የትምህርት ቤት ማህበረሰብ ተሳትፎ
• የርእሰመምህር(ት) ተሳትፎ፦ ቡድኑ የቅንጅት ሥራውን በሚያከናውንበት ጊዜ ርእሰመምህራን እና ረዳት ርእሰመምህራንን የሚያሳትፍ ከመሆኑም በላይ ከአስተማሪዎቻቸው፣ ከሠራተኞቻቸው፣ እና ከተማሪዎቻቸው ጋር በመናበብ ተግባብተው እንዲሠሩ ያስችላቸዋል።
• የተማሪ ተሳትፎ፦ ቡድኑ ለመካከለኛ እና ለሁለተኛ ደረጃ ትምህርት ቤት ተማሪዎች በኮምፒውተር እና በተጠቃሚዎች መካከል ያለማቋረጥ የመረጃ ልውውጥ ማድረግ የሚያችላቸውን መሣሪያ በመጠቀም መልመጃዎችን ያዘጋጃል። ለአስተማሪዎች እና ለርእሰመምህራን በይነመረብ ላይ በኮምፒውተር እና በተጠቃሚዎች መካከል የመረጃ ልውውጥን ከቨርቹወል ትምህርት ጋር የማቀናጀት እና ከተማሪ ጋር በተናጠል ስለሚደረግ ቨርቹወል ክፍለጊዜ ቨርቹወል የስልጠና ክፍለጊዜ ይኖራል።

• ኢላማ ያደረገ ተሳትፎ
• አነስተኛ ቡድን ላይ ኢላማ ያደረጉ ስብሰባዎች፦ እነዚህ ስብሰባዎች የሚካሄዱት ለመገኘት ባለመቻል፣ በመጓጓዣ እጦት፣ በቋንቋና በመማር ችግሮች ወይም በሌሎች መሰናክሎች ምክንያት በማኅበረሰብ አቀፍ የተሳትፎ ሂደቶች ላይ ከማይካፈሉ የማህበረሰብ ክፍሎች ጋር ነው።
• ኦንላይን የሚካሄድ ዳሰሳ

ከላይ በተገለጹት እንቅስቃሴዎች ውስጥ ተሳታፊ የሆኑ ሁሉ  በመረጃ ልውውጥ አሳታፊ መሣሪያ ድረ-ገጽ ላይ በኦንላይን የሚካሄድ ዳሰሳ እንዲሞሉ ይበረታታሉ። ይህ የዳሰሳ ጥናት ግኝቶችን ለመሰብሰብና ለትምህርት ቦርድ (BOE) ሪፖርት ለማድረግ እንደ ዋነኛ የአሠራር ስልት ያገለግላል።

ውጤቱ እንዴት በሥራ ላይ ይውላል?
የአማካሪው ቡድን አጠናቅሮ የሚያቀርበው ግብረመልስ በማጠቃለያ ሪፖርቱ ላይ ተካቶ ወደፊት በትምህርት ቤት ወሰኖች ላይ ዕቅድ አውጥቶ ለመነጋገር ለትምህርት ቦርድ ይቀርባል። ይህ ሪፖርት ሲጠናቀቅ ለቦርድ አባላት ወሳኝ የመረጃ ምንጭ ሆኖ የሚያገለግል ከመሆኑም በላይ በማስረጃ የተደገፈ መረጃ እና በማህበረሰብ ግብረመልስ አማካኝነት ዲስትሪክት አቀፍ ጉዳዮችን ግንዛቤ እንዲያገኙ ያስችላቸዋል። የማጠቃለያው ሪፖርት በወሰን ለውጦች ላይ ምንም አይነት የውሳኔ ሀሳብ አይኖረውም።